Lontar Usada Tiwang 20b – 30b
Ta, bangkiang kaku makaukud, tunggal mabading sakit, inan kunyit, jebugarum, ulig, uwapakna. [20b]
Ta, kuping sakit buka tumbak, sa bungan nyuh, isin rong gagambiran, raginya sari lungid, yeh candhana, sembarakna karnnanya.
Ta, witing lara mangacuk ancuk mwah nunggek, paling rangsek, nga, sa, don pungut, isen kapur, katumbah, sembarakna.
Ta, weteng kaku maka ukud, mangduhan mailehan, muwah ngohan, tur macelos atinya, tangan sukunya asrep, sa, babakan badung, lunak tanek, sami mapanggang, liligundi muanina, mica, 3, besik, yeh juwuk, juang a takeh, cuka a takeh, tahapakna.
Ta, beseh sagnahna, sa, pamor bubuk, yeh limo, olesakna.
Ta, basang sakit laut seneb, ngaba kulunatina, sa, muncuk pule, kunit, bawang tambus, banu ketan gajih, tahap.
Ta, koreng, sa, isen kapur, sada wayah, pipis, wdakakna. [21a]
Ta, koreng, úa, don lumba-lumba, trikatuka, goreng, juang lêngisne, olêsakna.
Ta, gênit, úa, jajangutan, trikatuka, pipis wdakakna.
Ta, gênit, muwah koreng, úa, akah kayu nasi, sari kuning, gintên cêmêng, ulig, prês, tutuh irungña.
Ta, pacablegbleg, úa, êmbong dapdap sakti, asaban candhana, pamor bubuk, ulig, wdakakna.
Ta, ñakitang lulud, úa, kapasilan dalima, isen kapur, bawang, gula pasir, ulig, tambus, wdakakna.
Ta, suku lara, úa, carmmaning tangulun, trikatuka, yeh arak, ulig, wdakakna.
Ta, parangi, úa, tain bêsi, trusi, yeh juwuk, olêsakna.
Ta, panulak parang, panulak gring agung, panulak sisik, úa, don pungut, ne [21b] ngungkulin tukad, don basa, ne di sisin yehe, batun undis, cêkuh, bras miyik, wdakakna.
Ta, bêsêh tanpa sangkan, úa, akah kêm, tapuk buah, 7, tapuk manggis, 7, bêsik, kulit taluh, 1, wdakakna. Malih panutsutanna, muncuk buwu, 3, matali bnang slêm, 3, ileh. Lolohna, adas, pineñug.
Ta, tuju pêtêng, úa, kêtan, kunit, sêmbarakna, rari guling di damara.
Ta, tuju pêtêng, úa, babakan kasambi daha, isen kuñit, katumbah, 2, bsik, asêm, raris dadah, olesakna.
Ta, maluas, sêmutan, úa, babakan kelor, babakan pule, akah awar-awar, akah teter, akah tuwung kripit, bras bang, bawang matambus, bangle, jae, isen rong, tabia bun, [22a] trikatuka, yeh cuka, wdakna sukune.
Ta, tuju maluang, sêmutan, úa, babakan kusambi, babakan kacêmcêm, babakan juwêt, akah madori putih, kulit juwuk purut, sentok masui, trikatuka, yeh arak, wdakakna ring laraña.
Awighnamastu nama sidam. Om Saraswati patastra ya namah. Iki usada sari, nga, pinaka ratuning usada uttama dahat, apan tambaning sari uttama, nga, dharma usada, kalimosada sami mulih ring usada sari, arang wong wikan, ring rasaning usada sari, nora kweh kang winilang Sanghyang Guru Reka, Sanghyang Brahma, Sanghyang Wisnu, Sanghyang Swara, Sanghyang Tiga juga sakti juga ngawawa ring kana, bapanta tatiga lawan tiga, nyan ta lekasnya maka wyan kawyan nira ring bhuwana alit, bhuwana agung, tiga juga ngawawa ring kana suksma munggwang [22b] sada, dharmma usada, kalimosada, apan balian tiga, wong lara tatiga, nyan ta lwirnya, kang balian lanang, wadon kalih, kang lara, lanang wadon kedi, kang tamba, panes asrep dumalada, kang agring, panes asrep, sebaha ngawelara tunggal, kang angawe tamba dewasanya, Sanghyang Iswara Brahma Wisnu, nandangana lara bayu sabda idep, marimma ning hana kalimosada, jatyanira sanya uttama, kayeki kramanya, ujaring sastra sanga, katiklaning genta pinara pitu, buddha kacapi, nyan rasanira uttama, putwinya mawas meneng bayu anglara, bayu pjah, bayu amigrahanin manusa, amigrahanin dewa, mwah wuus ri siddhining mantra, wnang sira ngusadanin amasang tamba, tur umamat pangupah, umalapakna pradaksina, wnang wong mangkana apan sira wuus ring rasanning sastra sanga, patikelaning genta pinara pitu, buddha kacapi, mwang kalimosadi jatya, kunang ta angapti wruh tumakita [23a] ring angsara umalap lampah mangusadanin, yeki kramanya uttama. Balian ne ring raga kawruhakna rumuhun, balian tatakson, magnah ring siksikan, nga, I Undhaka, muwah balian wadon nika, balian dudukan, balian lanang magnah ring ulunati, balian kedi magnah ring pabahan, nga, Sanghyang Sira Kul Putih. Nyan tatiga baliane mawisesa, balian ring raga sarira, pinugrahan Ida Sanghyang Wisnu, Jalarani Kasiapa Siddhi, muwah anggawe dasa rwa sandhi sakti mangleyak Ida Sanghyang Brahma, Bhagawan Mrecu Kundhamaka jalaran nira, hana bhuta wisesa, anggawe gring, nga, bhuta preteka kala dngen, bhuta ajil, bhuta sliwah, bhuta ludira, bhuta ari ari, ika nggawe gring janma manusa, ika kama, sa, juga maka rencang, Bhatara Brahma, ri sandhingira pinaka proban Bhatara Wisnu, Sanghyang Suksma Dharmma Wisesa, Sanghyang Dharmma Wisesa, Sanghyang Suksma [23b] Dharmma Wisesa, ika nggawe tambaning manusa, angusada sakalwiring lara purnna, patuh idep Sanghyang Iswara, angawre maka sadyanida Bhatara Brahma, Bhatara Wisnu, hyuning suksma, twinya tan tatwa ya.
Yanya wora kinceh awaknya, bokanyane plipit bulun matane saling tumpahin, muwah clengik clengik, upas mamri, nga, milara, ta, loloh lumut batu ne nguda, bawang tambus, pula sari, adas, yeh jun taneg, tahap.
Yan pengeng lempuyeng, panas dingin tusing mising, upas tapas tamparo milara, ta, lolohnya, babakan tui putih, bawang adas matambus, majatu lumut gebeh, nyuh tunu, kadi komake abatu, tahap.
Ta, mpuk genit, sa, mica,9, suruh temurose, 3, bidang, bangle, 3, yis, ma, om kjar, daging kjar, 3.
Ta, soca [24a] kanin, sa, mbotan isen, montong kasa, montong kuning gamongan, tmutis, basanya sari kuning, remek daging, ginten cemeng, sari, sami tambus, supatakna, wdakakna, rwaning limo, lempuyang arum, sami manyahnyah, aworana bras.
Ta, mtu bukat rentengan laware, sa, bungkil gedang saba, montong sarining, tahap. Uwapnya bungkil gedang saba, usug wangkong, sa, tmutis, lunak tanek, madadah.
Ta, mejen, sa, mpol gagang tambus, tain yeh, tahap.
Ta, mejen, sa, yeh embo, injin, bawang adas, tahap. Uwapnya, isep nanah, isep getih, bawang adas. Wedaknya, gamongan gede, nyuh tunu, bawang tambus.
Ta, mejen, sa, carmmaning asem daha, bakar, bawang tambus, urapakna.
Ta, mejen, sa, tui putih, lunak tanek mabakar, bawang [24b] tambus, bras.
Ta, mtu bol, sa, kangkang yuyusakamulan, bun nanipi sakamulan, nyuh matunu, sari lungid, sada wayah tahap, pule, nyuh matunu, sari lungid, panjelang, musi, tahap.
Ta, mtu bol, rwaning bengkel, adas, tahap.
Ta, bol mtu, sa, carmmaning undis, 3, muncuk, bangle, 3 yis, trikatuka, wdakakna.
Ta, mtu bol, sa, akah kenangga, akah dawusa, rwaning sembung, bawang tambus, yeh ktan gajih, tahap.
Ta, bol metu, sa, lublub dapdaptis, akah pucuk putih, yeh ketan gajih, bawang tambus, tahap.
Ta, bol metu, sa, rwaning pancarsona, kunyit, santen kane, bengkes, wus mateng, pinres, tahap.
Ta, bol metu, sa, akah nasi-nasi, yeh ketan gajih, tahap.
Ta, bol metu, sa, carmma- [25a] ning sulastri, carmmaning nagasari, carmaning kalampwak putih, bun nanipi, isinrong, tahap.
Ta, rare nangis ring wngi, sa, sembung pupukna, ma, om ku pukulunna ha.
Ta, dada ngangsur, sa, dukut lepas, kamiri lanang, adas, sembarakna.
Ta, edan, sa, sembung kuwuk, daringo kasuna, uyuhing rare lanang, puhakna ring mata, ring irung, kuping, ma, om ahohaeh, ai-ai, syawya sruha nama swaha.
Ta, warang wareng, sa, cmelan, gula, trasi, tahap.
Ta, warang, sa, yuyu iseni saang, panggang pangan, hayo nginum banyu. Panyaak, sa, rwaning paya puwuh, tampelakna, sasantun, arttha, 250, ma, kokokan matinggah sisin pagah, lebur tka geseng, 3. Pangurung, sa, don paspasan, majatu ban bama bang, mauyeg, olesakna, ma, om mpu watek dewata, paum, [25b] Bhatara Hyang Guru nora ditu, sing tka padha urung, yan hana wwang mangawa pracihna adengan tur magnah ring madyanya nora mawas twinya, sinanputan dening wastranya, menengin pepetannya, tur kna ambat dening pepetnya, ika wwang luwih luputinggring, sajabaning umurnya, doh ikang gring, wong prakosaning dusta, nga, malih hala yan doyan bangkit, mangkana wisanya. Iki sikuting wwang mangawa guna, yanya wwang tlapakan tangannya makalangan, tur nora sya hanya labuh, ika wwang maguna lewih, wonga yasa purnna, ngalwih pengaruh wongiku, doya nangategteg katu, madadagangan prawretinnya tur kaya, samangkana kattamannya.
Malih yana wwang ngawa tngeran ring pipi malih tuwinya adengan, ika jadma pangaruh, doyan akeh biayanyasih, wulan samekdi nginging tan sih, nga, mangkana wwang ika.[26a]
Malih yan hana wwange maciri pipinya cedek senanding adengan, luh yadyan muani, padha jayanya, reres angupa desa, nga, tan wangde patwatwa ananggih kara hayon.
Malih yan hana wwange nene ngawa sukat ring tangannya, waya ri nakanya pelet, yan kari urip kumantas twatwa, nora hana gring wau manjing ring pangubugannya, ratu angalapaken pandhung, nga, suka sugih wekas wekas.
Malih yan hana wwang adengan ring prabhunya matitis papelengan, baingin sinaputin mneng, nga, glis twinya pjah, apan dewa dumadi jadma, lwih uttama.
Malih yana wwange adengan ring pabahannya mnengin usehannya, wong jampana, nga, tong dadi kapapalan doyanya, reka guru, nga, roko tngerannya.
Malih yan hana wwang cdek ring karnnanya, kiwa muwah ring tngen, dulang mreta, nga, madadagang pawretinya. [26b]
Malih san hana wwang ri tampak tangannya kadi usehan tras, tan sapira kaotamanya wwang mangkana, asih gawe mtu sadhana, magawe sugih, idepnya satata sadhana amukti pakewuh, nga, tan wande manmu bagya.
Malih yan hana wong matanda ring lalatanya kanten mausehan patngahing lalatannya, doyan bijuh anak, asing tandurnya ngawe mupna, malih yan hana wwang cablang, tuwed bau, nga, doyan anta, malih yan hana wwang bolang, pangaruh sajawwangika, bobok sajagat, nga, dharmmape mangwika.
Malih yan hana wwang astanya pamjangan aneh ring kamawan, diastu [27a] ring keri, ambar bhuwana, nga katah adwe samitra, bisa angala wandhawa mangkana kattamanya.
Malih yan hana wwang coda ring dadanya, randha prakosa, nga, wani ring satru wwang mangkana.
Malih yan hana wwang ibih batun butuhnya, wintang angendit wulan, nga, byuh anak, byuh rabi, awet tuwuhnya, sarwwa tandura nadi.
Malih yan hana wwang lwir saliwah pawakanya, wong lamaya, nga, bra tiwinya ring karyya, mamadat mamotah doyan santa, pring dala.
Malih yan hana wwang rare nene wau lekad saking bhaga wasa ibune, ari arinya dadi kalung, dadi salimpet, ring tangan rarene maseetan, ari ari iki wnang duduk, jemuh apanga tuh, bakta mamaling becik anggen sabuk anggen seet, ring tras wnang dadi [27b] sira aji sunglap , dadi sira maya maya, tan katon dening satru.Mangkana katta maning ari ari ika, anggen isin sabuk wnang, bakta kapayudan wnang. Malih yan urip rare ika, yadnya padem, yana urip, yan lanang, tar wnang kapapalan, dira purusa, sugih byuh daya, tan kurang pangan kinum.
Malih yan hana wwang adengan ring karmmanya, maka ro roman karmmanya madaging adengan sekar gading, nga, ika wwang mamlik, doyane manggih kadang wargga, yana lanang wong ika, luluh asih, yana wadon wong lanang akweh kasmaran, mangkana kagunan wonge adengan ring karmma kalih.
Malih yan hana wwang adengan ring panasarnya, malih ne ring jroning panasarnya guah adengan ika, kalumanik, nga, bisa makaryya, kelangan sring doyanya, kewala bantas cacad, brayane akeh iri.
Malih yan hana wong wetu ring, ra, u, [28a] tur lanang, turu sesih, nga, tengah yus doyan mati. Ra, pa, witu nungkul, nga, tur lanang, awet yus doyan.
Malih yan hana wwang wetu ring, Ra, pwa, tahan baret, doyan nglah somah mati, pyanak mati.
Malih yan hana wwang wetu ring, ra, tur lanang, awet tuwuhnya, asewe nora dwe rabi.
Malih yan hana wwang wetu ring, ra, ka, tur lanang doyanya mati labuh, menek kayu twat ron rubuh, nga.
Malih yana wwang wetu ring, cu, u, tur lanang, gunung tangis, nga, doyan katinggalan bapa ibu, kari rare tinggalinya.
Malih yana wwang wetu ring, ca, pa, gunung kutila, nga, doyan nglah nyama mati.
Malih yana wwang wetu ring, ca, pwa, tur lanang, gunung pincat, nga, doyan nglah somah mati, tur durung adwe anak. [28b]
Malih yana wwang wetu ring, ca, wa, tur lanang, gunung blah, nga, mwani yadyan luh, yan luh mati adwe anak doyan, yan lanang mati katadah doyanya.
Malih yana wetu ring, ca, ka, pancing sekar, nga, doyan katinggal rabi.
Malih yana wwang wetu ring, a, u, tlaga asat, nga.
Malih yan wwang wetu, a, p, tlaga kingking, nga, balanya nyakitang basang.
Malih yan wwang wetu ring, a, pwa, putri hmas, nga, yaniyanya doyan buron.
Malih yan wwang wetu ring, a, ka, swah angurubin gusih nga, rahayu wetu ring rare, doyanya acacala.
Malih yan wwang wetu ring, bu, u, gagak ikapa, nga, sakit basang bayanya, sakit tras, mamuruh.
Malih yan wwang wetu ring, bu, pa, yan ahusampurnna, rahayu, twa twa manggih sadya. Malih yan wwang wetu ring, bu, pwa, [29a] paksi anengkuk tluh, nga, sadya rahayu, ya awet tuwuhnya, patwa twa amanggih rahayu.
Malih yan wwang wetu ring, bu, wa, yadyan lanang, pararasanya lwir wong wadu, doyanya, yan ring sami tranya dharmma upama tanana dulu muk, amanggih rara kingking, jlene kagawe, wicaksana tur pradnyan, tlaga apit pancoran, nga, doyan glis katinggalan rabi, doyan sring amanggih kapapan manah.
Malih yan wwang wetu ring, bu, ka, guru sandhi, nga, angusadanin, doyan siddhi pantis denya ngucap, sihin braya kadang wargga, mangkana katuturanya.
Malih yan wwang wetu ring, wre, u, ulan rantunin wintang, nga, matutur bisa, mapyulah suged, yadyan lanang yapwan wadon, kelaka ring urip.
Malih yan wwang wetu ring, wre, pa, langkep penentang, nga, doyan amanggih duhkita, yaning wetunya anuju dawuh [29b] hala, yanyan anuju dawuh hayu, amadhya patemunya, yawyaktinya.
Malih yan wwang wetu ring, wre, pwa, ulan tumanggal, nga, doyan katinggalin priya.
Malih yan wwang wetu ring, wre, wa, doyan tan dwe anak, gni angin, nga, panambara.
Malih yan wwang wetu ring, wre, ka, gni laya, nga, doyan ilaban dening glap kojaranya.
Malih yan wetu ring, su, u, wayang dalu, nga, manik mati magantung, mangkana margganya. Malih yan wwang wetu ring, su, pa, gni anglayang, nga, panes, doyan nglah somah mati, wadon yadyapi lanang.
Malih yan wwang wetu ring, su, pwa, ulan sanding wintang, nga, mati kasuduk doyanya.
Malih yan wwang wetu ring, su, wa, pandan sategal, nga, anak akeh adwe, brayasih, tanana dwe utang.
Malih yan wwang wetu ring, su, ka, dugen mangap, doyan buduh, mangkana kojaranya. Malih yan wwang wetu ring, sa, u, tlga tinjo pancu[30a]ran, nga, anak akeh adwe, sugih byuh kaya.
Malih yan wwang wetu ring, sa, pa, jaran runtuh, nga, ngutang banyeh, anak asat.
Malih yan wwang wetu ring, sa, pwa, doyan sukeh adwe anak, gajah kurung, nga.
Malih yan wwang wetu ring, sa, wa, doyan mati aprang sasih amangan rau, nga.
Malih yan wwang wetu ring, sa, ka, paksi putih, doyan adwe rabi, doyan kosong.
Malih hana kocap, yan wwang sariranya nora hana rambute, ika kocap panumadi gunung gundul, matmahanta dahat, doyan mangrebah pamukten. Yaning amurug tan wangde rusak, yan wwang kaya tur byuh brana, anuli ngalap rabi. Ageng muwah alit, yan samangkana tong [30b] istrikna dening rabi, tan wangdena mada akan sadia dina.
sumber: Sastra Unud
Tidak ada komentar:
Posting Komentar