HASIL PATEMON ALIANSI PEDULI BASA DAERAH BALI SARENG BPK. GUBURNUR BALI

Ring raina Sukra Umanis Uku ukir tangal 1 Pebruari 2013, puniki galah sane becik sida para Aliansi Peduli Bahasa Daerah Bali sareng Para Rektor sejebag jagat Bali sane nue mahasiswa jurusan Basa lan Sastra Daerah Bali. Makeh taler mahasiswa saking IKIP PGRI BALI, Udayana, IHD, UNHI sida sane rauh Ring Galah punika.  Pabligbagan punika kapertama kedagingin saking ketua Aliansi Peduli Basa Daerah Bali

I Nyoman Suka Ardiyasa, S.Pd.B ngeninin makudang-kudang patemon pengkajian pelaksanaan kurikulum 2013 terkait dengan penggabungan Muatan Lokal (Bahasa daerah Bali) dengan mata pelajaran Seni Budaya dan Prakarya, sane sampun mamargi ring saking DPRD Bali rauh ke Pusat jakarta. Ring Pabligbagan punika kapertama Dr. Drs. I Nyoman Suwija,M.Hum.,A.Ma nyantenang pinunas ring soang-soang sekolah minekadi SD nglantur Ke SMA mangda sidha guru-guru Basa Bali sane nagingin Basa Bali nenten ja Guru Agama duaning keprofesionalismene  matiosan, menawi nika mawinan alit-alite nenten utawi durung tatas ngangga sorsinggih basa sane becik. Puniki taler kasinahang oleh Bapak Guburnur Bali jagi kabligbagang malih sareng jajaranne ring Dikdikpora magda sidha mamarga. Taler ring galah punika Pk Prop. Dwija taler mapinunas mangda ring sekolah-sekolah pelajahan basalan sastra Bali punika mangda jamne sida manut duaning basa lan sastra Bali matiosan tekening palajahan bahasa Indonesia.  Bpk Titib taler mapinunas mangda sida wenten penyuluhan basa lan sastra Bali ring soang-soang desa pakraman tur sida kaicenin wantuan utawi subangsing ring sang sane ngicen panyuluhan punika. I.Bgs Rai ngantenang mangda pemerintah daerah neneten magehang konsep metangkis ring sajeroning pelestarian basa lan sastra Bali punika, kakantenang Basa Bali punika nenten ja rasa kewanten kemaon maharasa pinaka sebun sarang kebudayaan Baline duaning sida Imanusa kakeberang ban Aksara Bali punika. I Gusti made Sutjaja taler nyihnayang ring dura Negara mekaten Basa Baline sampun keangkenin Basa Dunia ring Unisco, taler Prof. Sutjaja maosang makeh pemilet para yohana dura Negara sekadi ring Sydney, Tokyo,Norgia, Autralia miwah panegara tiosan melajahin basa daerah. manut baos Prof. Sutjaja yening iraga sampun oneng lan wikan sehaning basa lan sastra Bali sida dados Guru Basa Bali ring Dura Negara antuk dasar Basa Ingris lan basa tiosan. Pekantenan puniki mabuat pesan antuk para yohana utawi siswa sane kuliah  jurusan basa lan sastra Bali. Ring galah punika taler Pk Prof. maosang malih indik kearifan lokal darerah bali sampun ngelimbak nyantos Norgia lan Jepang.

Ngeninin indik baos Bapak guburnur Bali nagingin pinunas para aliansi peduli Basa Daerah Bali tangal 1 Pebruari 2013 puniki, kejantenang pengajaran Basa Lan Sastra Daerah Bali kemargiang sekadi sane sampun memargi. Ring Galah punika taler Bpk Gubernur Bali Sareng Bapak DPR ring Komisi IV ngantenang jagi merivisi Perda. No. 2 ngeninin Basa daerah Bali. 

Ring Galah puniki titiang nunas Gung pengampura yening napi sane titiang telatarang irika basannyane nenten kearsa ring kayun ledang Idadane ngampurayang... menawi taler ngeninin indik gelar saha makirang titiang nyuratang parab Sang sane rauh dawug nika ledang taler ampurayang.
Om Shanti Shanti Shanti Om

"sumber" langsung titiang polih nyarengin pabligbagan punika.
                       TTD

I MADE JULIADI SUPADI,S.Pd