SAMBRAMAWACANA

BUKU SASTRA UTAWI PUSTAKA SUCI ANGGEN DASAR KAWRUHAN

Inggih, nawegang titiang

Mantuk ring Kapala dinas Perpustakan, Arsip dan Dokkumentasi sane Mustikayang titiang,
Para panureksa sane singgihang titiang.

Para pamilet sane wangiang titiang

Miwah para sameton lanang – istri sane tresnasihin titiang

Sangkanin asung kerta waranugraha Ida Sang Hyang Widhi, titiang pingkalih ida – dane sida mapadu ajeng sekadi mangkin. Dumadak nerus pasuecan Ida larapin titiang ngaturang pangastugkara panganjali :

“OM SWASTYASTU”

Ida dane sane wangiang titiang,

Manut baos sang meraga pawiku, umat Hindune wantah sthiti bhakti ring Ida Sang Hyang Widhi, nanging sang meraga wicaksana maosang antuk makudang-kudang parinama tan lenpas tekening sahananing pengwruh. Sinalih tunggil sane kaanggen pinaka SUMBER PENGETAHUAN wantah Buku Sastra Utawi Pustaka Suci.

Sakadi sampun kauningan, sekancan buku miwah sastra utama pinaka genah linggan Ida Sang Hyanag Aji Saraswati,  umat Hindune nyanggra piodalan Saraswati ngenem sasih apisan duaning ring rahina punika sami umat Hindune ngaturang pangubakti majeng ring Ida Sang Hyang Widhi pinaka utpeti utawi pencipta ilmu penetahuan.

Ida dane sinamian sane kasumayang titiang, titiag naenin miragi, munggung meseh i manuse sane utama wantah katambetan utawi kebodohan. Wiwit suka dukane wantah katambetan. Sangkaning tambet prilksana kaon, sangkaning tambet i manusa mangguh sengsara. Punika mawinan iraga para anom sane tresna asihin titiang patut pisan misartang utawi mautsaha nelebin sekancan daging buku sastra utawi pustaka mangdane prasida wruh, malarapan malajahang angga ngruruh kawruhan. Sekancan buku sastra utawi pustaka pinaka daging kawruhan sane sandang uratiang tur maning sidha antuk melajahin, kadi mungguh ring gita puniki:

De ngaden awak bisa

depang anake ngadanin

geginane buka nyampat

anak sai tumbuh luu

ilang luu buke katah

yadin ririh liu nu pelajahin

“Manut gita punika iraga patut sampunang rered malajahang agga sakantun maurip, duaning sekancan kaweruhan nenten pacang telas  kaplajahin, kadi bebaosane “ di duuur langit kantun wenten langit”. Tiosan ring sajeroning gita makeh malih daging sastra utawi pustaka sane sadang wacen tur resepang dagingne. Sekadi sekancan daging gita, sastra Parwa, pustaka suci sida anggen sifat siku-siku ngemargiang pasimakrama ring kauripan puniki.

Ida dane sareng sami sane tresnasihin titiang, maosang indik daging buku sastra utawi pustaka agama wantah madasar antuk TATTWA, SUSILA lan UPACARA. Mungguing cihnan iraga maagama patut malarapan Upacara, ngastawa ring ida Shang Widhi pinaka pencipta ilmu pengetahuan tiosan ken Idadane sami nguacen sajeroning daging kaweruhan punika.

Ida dane, pamekas para semeton lanang – istri sane tresnasihin titiang, wantah asapuniki titiang prasida matur ring galahe sane becik puniki. Maka kirang langkung, titiang nunas gen pengampura. Dumadak sareng sami stata degdeg ring kayun, puputang titiang antuk ngojarang parama santhi.

“OM SANTHI,SANTHI,SANTHI OM”