Gancaran Bali

1 Pengertian

Gancaran mateges prosa Bali Indonesia. Pengertian gancaran inggih ipun soroh sarwa susastra Bali sane nenten nganutin guru laghu, nenten nganutin tembang, nenten nganutin makudang-kudang wanda ring apada lingsa, nangin bebas.

Gancaran Bali puniki ngungguhang pidagingan (unteng) sane pacang katuturang ring para pamiarsa (pendengar) miwah ring sang pangwacen (pembaca).

2 Wewidangan Gancaran

Gancaran Bali dados kasorohang 2 soroh; inggih ipun :

2.1 Gancaran Bali Purwa (Tradisional)

Soroh sastra gancaran Bali purwa punika wenten makudang-kudang soroh.

a.    Satua

Satua utawi dongeng (basa Indonesia) akeh pesan wenten ring masyarakat Bali. Satua madaging lelintihan satua sane tawah-tawah.

Satua sapuniki nenten kauningin sapa sira sane ngawit tur kaparinama anonim (tan madue pangawi).

Unduk miwah tokoh pelaku satua wenten makudang soroh, sekadi:

1)   Satua soroh buron dogen.

Upama: Sang Lutung teken Sang Kekua, Kidang teken Cekcek, msl.

2)   Satua buron ajaka jelema (manusa).

Upami : Crukcuk Kuning

Siap Badeng

I Botol teken Sang Samong,

Tantri Kamandaka,

Ni Dyah Tantri,

Cangak mati baan lobane, msl.

3)   Satua manusa ajaka manusa

Upami : I Dempuawang,

Ni Wayan Taluh

Pan Balang Tamak

I Belog

Pan Angklung Gadang, msl

4)   Satua dewa batara ajaka manusa

Upami : I Lengar

I Bagus Diarsa,

I Bintang Lara,

I Rare Sigaran,

I Sigir jalma tuah asibak,

Tosning dadap tosning prasi, msl.

5)   Satua indik manusa ajaka raksasa

Upami : I Bawang teken I Kesuna,

                   I Tuung Kuning, msl.

6)   Satua dewa, batara, ajaka buron.

7)   Satua dewa, batara ajaka manusa.

Upami : Watugunung, Gunawati

Yening anak masatua sinah pacang wenten anak alit-alit sane mirengang pitutur anake masatua punika, Cihna (cirin-cirin) anake masatua, ulasane ngungguhang :

-      Nggih, ada kone tutur-tuturan satua ….

-      Ada kone orah-orahan satua ….

-      Kruna “maan”

-      Nganggen kruna “laut, lantas, suud keto, suba keto, suba kento, msl.

Unteng (suksman) satua-satuane ngungguhang indik : pitutur, piteket, pengajahan, pengukuran, agama, adat istiadat, miwah sekancan unduk sane wenten ring tengahing masyarakat Bali (sosial), utawi filsafat hidup (falsafah hidup), indik skala miwah niskala.

Satua ring susastra Bali dados marupa satua masoroh satua dongeng miwah satua sane marupa satua sejarah.

b.    Babad (Hikayat)

Babad pniki berupa hikayat: satua sane nyatuang tokoh sane mlinggih ring puri (istana) tur madue kesaktian, nyatuang sekancan indik (peristiwa), peperangan, pesantian, urip, kahanan para satria, anak agung.

Upama : Babad Buleleng, Babad Blahbatuh, Babad Dalem, Babad Mengwi, Babad Pasek, Babad Tegehkori, msl.

c.    Wiracarita (Epos)

Wiracarita puniki marupa satua sane ngungguhang indik kesinatrian (kepahlawanan), kesaktian ring payudaan, paperangan.

Upama : Mahabrata, Sakuntala, Prabu Mayadenawa, msl.

d.   Satua Dewa-dewa (mitos)

Satua sane ngungguhang soroh dewa utawi batara-batari kaparinama satua dewa-dewa (mitos). Satua akehan ngundukang soroh agama, miwah mayapada (alam semesta), mercepada.

Upama :  Bagus Diarsa, Prabu Watugunung, msl.

2.2 Gancaran Bali Modern (Anyar)

Soroh sastra gancaran Bali modern puniki wenten makudang-kudang soroh.

a.    Satua Bawak (Cerpen)

Satua Bawak utawi cerita pendek (cerpen) Bali puniki wau wenten rikala wenten sayembara panulisan susastra Bali Anyar olih Balai Penelitian Bahasa (dumun: Lembaga Bahasa Nasional Cabang Singaraja). Sayembara puniki kawentenang duk warsa 28-10-1968 nyantos 28-10-1970, miwah tanggal 28-10-1989.

Upama :

(1) Pt. Sedana              : Mirah (1969)

(2) Wyat                      : Surup Ratih (1970)

(3) AAG. Jelantik        : Iwang Titiang Newek (1969)

(4) IB. Mayun              : Ni Luh Sari (1969)

(5) IGP. Rai                 : Kapatutuan Ngulati Kamajuan (1969)

(6) Winartha                : Tanggal Wayah (1970)

(7) M. Sanggra             : Tukang Gambar (1970)

(8) Wy. Rugeg Nataran : Talin Sampi (1970)

(9) Raka                      : Langite sayan pelung (1970)

b.    Novel (Roman)

Novel marupa satua Bali sane dawanan tekening cerpen. Lelintihan satuane ngundukang embas (lahir), idup, miwah seda (mati).

Satua novel ring susastra Bali sampun kawentenang ri kala warsa 1931 sane mamurda (judul) “Nemu Karma” pikardin I Wayan Gobyah, miwah Mlancara kapikardin olih Gde Srawana (asli: Wayan Badra).

2.3 Srana Sane Ngwangun Gancaran

Gancaran Bali kawangun antuk makudang-kudang srana (unsur) sastra. Srana sane anggena ngwangun gancaran Bali puniki wenten kadi ring sor puniki.

2.3.1 Unteng, Suksma (Tema)

Sakancan satuna sinah madue unteng, tetuek, suksma, utawi tema satua. Unteng satua puniki pacang ngungguhang indik napi sane dados pokok tutur (Raos) ring satua gancaranne punika.

Unteng (tema) satua  gancaran punika wenten sane masoroh Agama, pangurukan, pendidikan, filsafat, sih kinasih (cinta kasih), adat istiadat, masyarakat (sosial), kasinatrian (pahlawan, patriotisme).

2.3.2 Pemain (Tokoh)

Pemain sane dados tokoh ring satua gancaran punika ngungguhang watak, solah, pratingkah. Indik solah utawi watak puniki pinih dahat (penting) pesan, yen nyatuang gancaran.

2.3.3 Lintihan (Alur, Plot)

Punapi satua gancaranne punika kaceritayang tur punapi lelintihan satuane, punika kawastanin Lintihan, utawi alur sareng plot ring basa Indonesia.

Lelintihan satua nyatuang pamargin satuane nyantos puput. Sakancan kahanan (peristiwa) sane marupa anak memargi, magrengan (mrebet), mabiuhan, nyantos puput, sami kasatuang ring sastra gancaran punika.

2.3.4 Genahe Kasatuang (Latar)

Latar marupa genah ring dija puseh satuane kacaritayang utawi genah peristiwa (kahanan) satuane kawentenang. Latar machine pusat utawi lingkungan genah peristiwa kasatuang.

Latar puniki dados marupa genahne ring dija, kala napi (waktu) utawi kali napi, musim napi. Genah satua gancaran puniki wenten madasar saking sakala (kenyataan) miwah ring pangipian utawi niskala (maya).

2.3.5 Genah Sang Pengawi

Carita sinah wenten anak ngarang, ngawi, utawi nulis, ring basa Indonesia parinama genah sang pengawi puniki kaparinama pusat pengisahan utawi landas tumpu, miwah point of fiew ring basa Inggris.

Genah (posisi) sang pengawi ring kawinipune wenten 3 soroh.

a.    Sang pengarang dados pelaku tunggal pateh tekening tokoh pelaku satua gancaran.

Upama :

Tiang, titiang = nyihnayang 1) Sang pangawi miwah 2) Sang pelaku.

b.    Sang pengarang nenten manyinahang sang tokoh pelaku saking satua gancaran, punika.

Upama :

Tiang, titiang = wantah sang tokoh pelaku, menyinahang sang pengarang (pangawi)

c.    Sang pengarang nenten nentuang raga.

Kadang-kadang sang pangarang kacihnayang olih kruna tiang, nanging kadang-kadang kruna tiang nyihnayang sang tokoh pelaku, nenten ngatujuang sang pengarang.

Upama : tiang, titiang =

1)   Wantah sang pengarang, utawi ;

2)   Wantah sang tokoh pelaku utawi;

3)   Sang pengarang sareng sang tokoh pelaku gancaran.

2.3.6 Carane Masatua (gaya, style, tangkep)

Punapi solah, carane sang pengawi nyatuang lelintihan satuane punika kaparinama gaya mesatua utawi carane masatua (tangkepne nyatuang satua).

Basa sane anggena nyatuang sareng daya pikat masatua gancaranne punika. Daya pikat utawi daya tarik puniki kacihnayang ring:

a.    Basa Bali sane anggena matuturan,

b.    Carane sang pangawi nuturang satua,

c.    Napi sane katuturang,

d.   Carane ngawitin nglintihang satua nyantos muputang (nyarik) satua gancaran.

2.3.7 Paribhasa (gaya bahasa)

Basa Bali punika marupa basa sane anggena sarana mareraosan ring para semeton ring masyarakat. Ring susastra Bali wenten sane kasorohang paribahasa sane marupa gaya bahasa matutur-tuturan. Antuk kasub pesan dados anggen sarana ngwangun susastra Bali.

Soroh paribasa puniki inggih ipun sakadi bladbadan, wewangsalan, peparikan, sesonggan, sasenggakan, cacimpedan, sesawangan raos ngempelin, seloka, ungkapan, miwah kapatehan suara.

Upama :

1.    Jrinjinne mulus mangancan (sasawangan)

2.    Desak dadi desek, Dayu dadi dayanin, yen jaba kenken De? (kapatehan suara)

3.    Anak mula, gamongan dadi jahe (wangsalan)

4.    Tiang sing nyak nginem kopi nyem, nyanan nyem tiang. (Kapatehan suara).

2.4 Novel / Roman Bali

Wangun sastra novel Bali utawi roman Bali sampun wenten ring Indonesia duk warsa 1931. Novel sane mamurda Nemu Karma pikardin I Wayan Gobiah saking Panjer (Denpasar) sampun katerbitang olih Balai Pustaka ring Jakarta.

Wus punika, wenten malih terbit (mawurda Mlancaran ka sasak pikardin Gede Srawana (saking Banjar Delodpeken, Singaraja). Novel puniki sampun katerjemahang antuk I Gusti Putu Antara duk 1978.

Novel kekalih puniki sampun mungguh ring buku Kembang Rampe Kasusastraan Bali Anyar I/II kapupulang antuk I Gusti Ngurah Bagus sareng I Ketut Ginarsa tur kamedalang antuk Balai Penelitian Bahasa, Singaraja warsa 1978.

2.4.1 Novel : Mlancaran ka Sasak

Sastra novel mlancaran ka Sasak puniki snae pakawian (pikardin) sujati antuk I Wayan Bhadra, nanging ipun menyamar Gede Srawana.

Ringkesan Satua:

Tokoh pelaku satua : Dayu Priya, Made Sarati, Ni Luh Sari.

Dayu Priya oka anak Brahmana, Matimpal masekolah ring buleleng (Singaraja) sareng I Made Sarati. Dayu madue panyeroan asiki Ni Luh Sari. Ulihan sadina-dina lantas Dayu Priya wenten nyet manahidane marasa seneng ring I Made Sarati, nanging nenten purun ngandika ring I Made Sarati. Dayu Sareng wantah magegonjakan manten. Sedek dina anu, lantas makasami maplasiran ka Lombok (sasak). Sirep ring hotel ring Mataram (Suranadi). Kapal apine berangkat saking Pabean (Pelabuhan Buleleng) nyantos rauh ring Ampenan. Ring Sasak sami masukan-sukan, tur maliang-liangan sareng sami.

2.4.2 Novel Nemu Karma

Satua novel Nemu Karma karyan I Wayan Gobiah puniki nyaritaang indik anak truna-truna pada mademenan tur anake tua pada adung: ring ipun. Satua novel puniki akeh medaging piteket utawi pitutur indik anak bajang sane pacang makurenan, manyama braya, miwah bakti ring anak linsir.

Tokoh sane munggah ring novelNemu Karma sane kakaryanin warsa 1931 punika inggih ipun Pan Sudana, Made Purni, Putu Sudana, Men Tirta, I Tirta, I Sukarsi, I Sangga msl.

Ringkesan Satua Novel : NUMEKARMA.

Pan Sudana makerunan ajaka Made Purni lantas ngelah anak muani adanina Putu Sudana. Mara matuuh 6 tiban, Pan Sudana malih makerunan ajaka Men Tirta, anak Luh sampun balu (janda). Pamuput embas anak alit adaine I Tirta.

Awinan Pan Sudana akeh pesan madue utang, lantas lasia pesan ia magedi ngalahin pianak somahne makejang, kalunta-lunta tan paunduk.

Wireh utangne akeh pesan, lantas pianak ne I Putu Sudana serahange ajaka tekening ane ngelah utang. Ditu I Putu Sudana sedih pesan, wireh liu pesan ia nyalanin kasengsaran, Ento awinanne I Putu Sudana ngerorod, magedi uli genahne ngajak. Ditu ia nyalanin kasengsaran.

Pamuput ia kaduduk olih Men Sukarsi lantas asukanga di sekolahane bareng-bareng ajaka pianakne ane madan I Sukarsi. Sasubane bajang, I Sukarsi idiha tekening misanne madan I Sangga. Nanging tulaka wireh ia tuara ngelah nyet.

Men Sukarsi nakenin pianakne, nyen kea ne lakar anggona kurenan? I Sukarsi ngorahang dewekne demen tekening I Putu Sudana. Pamuput I Putu Sudana sakapangan ajaka I Sukarsi.

Sedek dina anu duk ada igel-igelan, saget I Putu Sudana manggihin anak istri madan I Ratna sareng memenipun Men Ratna. Sesampune pada nginget-ngingetang, wau kelingan I Ratna punika tan ja lian adinipune tur Men Rata taler memenipune sane marupa meme kualon (Ibu Tiri). I Ratna dumun madan I Tirta, adi kualone I Putu Sudana. Patemone punika lintang sedih pesan saling elingin, saling gelut.

Kawentenan unduke asapunika sami wantah awinan lelampahan karmapala sang maurip.

2.5 Satua Bawak (Cerpen)

Satua bawak mabasa Bali utawi cerita pendek (cerpen) embas duk wenten sayembara karang mengarang saking Lembaga Bahasa Nasional Cabang I Singaraja warsa 1968.

Pengawi satua bawak mabasa Bali puniki mikadi Nyoman Manda (Gianyar), I Nyoman Tri Sayta Paramartha (Singaraja), Putu Sedana (Singaraja), IB. Mayun (Denpasar), A.A.G. Jelantik (Amlapura), IGP. Rai (Tabanan), Pt. Arya Semadi (Singaraja), IGK. Waca Warsaha (Denpasar), miwah sane lianan (msl).

Indayang mangkin wacen satua bawak Kapatutan Ngulati Kamajuan puniki, sane pengawine I Gusti Putu Rai (Kerambitan, Tabanan), sane kakawi th. 1975.

Rereh :

1. Sira sane dados tokoh pelaku?
2. Sapunapi lelintihan satuane?
3. Ring dija genah satuane punika kacaritayang?
4. Napi unteng (suksman) satuane)
5. Indik pabesen (piteket) napi sane kengin katekedang ring sang para pamiarsa?