KASUSASTRAAN BALI

Kesusastraan Bali inggih punika saluiring karya sastra sane nyaritayang paindikan pasimakrama ( masyarakat ) ring Bali sane katuturang nganggen basa. Kasusastraan Bali kapalih dados kalih inggih punika: Kasusastraan Bali Purwa lan Kasusastraan Bali Anyar

1. Kesusastraan Bali Purwa Kasusastraan Bali purwa inggih punika saluiring karya sastra sane nyaritayang paindikan pasimakrama ring Bali sane durung keni pangaruh asing sane katuturang ngangge basa. Kasusastraan Bali purwa puniki kapalih malih dados kalih, inggih punika : Kasusatraan Gantian ( lisan ) à satua, cacimpedan, wawangsalan, miwah sane lianan (msl). Kasusastraan Sasuratan ( tulis ) à weda, babad, wariga, msl.

Wenten taler sane mamalih wangun kasusastraan Bali purwa dados kalih : Kasusastraan gancaran ( bebas ) à satua, cacimpedan, msl. Kasusastraan tembang ( terikat ) à kidung, kakawin, msl. Kasusastraan Bali kapalih malih dados : Kasusastraan struktural , inggih punika karya-karya sastra Bali sane nganggen basa Bali kemanten. Kasusastraan fungsional , inggih punika karya sastra sane kasurat nganggen basa Jawa kuna. Sastra purwa ketahnyane kapalih dados kalih soroh, inggih punika gancaran ( prosa ) dan tembang ( puisi ).

Kasusastraan tulis ring Bali minab sampun wenten tur nglimbak duk pamadegan Raja Waturenggong ring XVI. Ring pamadegan Dalem Gelgel puniki kawentenang pengawi- pengawi Bali wastannyane nglimbak kantos mangkin, inggih punika Dang Hyang Nirartha taler Ki Dauh Bale Agung. Dang Hyang Nirartha ngawentenang karya-karya sane nglimbak kantos mangkin, sakadi Kidung Sebun Bangkung, Sara Kusuma, Ewer, Mahisa Megat Kung, Dharma Sunia Keling, miwah sane lianan. Ki Dauh Bale Agung taler ngawentenang karya sastra, sakadi : Rereng Canggu, Wilet, Wukir Padelegan, Segaragunung, Jagul Tua, miwah sane lianan. Wenten makeh pisan pangawi taler karyannyane ring kasusastraan Bali purwa puniki sane kalestariang kantos mangkin. Kasusastraan Bali purwa puniki kapalih dados kalih inggih punika gancaran lan tembang.

 Gancaran ( prosa ) Wenten makeh soroh gancaran ring kasusastraan Bali purwa sakadi ring sor puniki : Satua, conto : satua Pan Belog, Pan Balang Tamak, I Siap Badeng. Babad, conto : babad Dalem, Blahbatuh, msl. Mitos , conto : Dewi Sri, Dalem Belingkah, msl. Legenda, conto : Pura Pulaki, Tirta Empul, msl. Prasasti , conto : prasasti Bebetin, Belanjong, msl. Epos , conto : Mahabharata, msl. Tantri, conto : Ni Diah Tantri, msl. Pralambang (Basita Paribasa), kapalih dados : Sesonggan, conto : abias pasih, suksmanipun nenten keni antuk ngwilangin katahipun. Sesenggakan, conto : buka batun buluane nglintik tuah abesik, suksmanipun kaucapang sakadi anake sane nenten madue nyama wiadin timpal, wantah ipun padidiana. Wewangsalan, conto : asep menyan majegau, nakep lengar aji kau. Kd.Apriliana Mandasari, s.s

 Peparikan, conto : be curik mabasa manis, bungkung pendok sedeng di tujuh, bajang cerik kenyungne manis, selat tembok makita nyujuh. Sloka, conto : buka slokane apa ane pamula, keto ane kapupu; suksmanipun napi same kakaryanin, sapunika teler pikolihipun; yening malaksana kaon, sinah kaon sane oacang kapanggih. Bladbadan, conto : mabuah jaka; beluluk; nguluk-nguluk. Sesawangan, conto : buka bulanne kalemahan, suksmanipun; kembang lemlem. Papindan, conto : boke malayah alu, tegesipun boke mirib layah alu masepak, muncukipun. Cacimpedan, conto : apake anak cerik matapel ? (blauk) Cecangkriman, conto : bapa pucung, indeng-indeng di alas agung, panake koryak-koryak, di kayune ya padingkrik, basang pelung, tendase majajambulan.

 Cecangkitan, conto : tiang suba lepas uli sekolah, tegesipun ipun ngalepasin sekolah (nenten masekolah). Raos ngempelin, conto : I puan ia teka ugane ibi ia ilang. Teges ipun : I. ugane = dugase, II. Ugane = ugan sampi. Sasimbing, conto : semunne nyukcuk langit, suksmanipun : kaucapang ring anake sombong. Sasemon, conto : sane mawangun gancaran : Apa perlune ngangasin nyuh pungul ? Ngencanin (meretenin) barang sane ta paguna. Sesapan, conto : anak nguduh : Kaki-kaki, I dadong jumah? Jumah. Anak Ngengken ? Anak gelem. Gelem kenken? Gelem nged nged nged 2. Tembang ( puisi ) Soroh tembang kapalih dados kalih, inggih punika: Gending - gending rare, conto : Made Cenik, Meong-meong, msl. - gending janger, conto : Don Dapdape, Putri Ayu, msl. - gending sanghyang, conto : Kukus Arum, Suaran Kumbang, msl.

 2. Kesusastraan Bali Anyar Kesusastraan Bali anyar inggih punika karya-karya sastra Bali sane nyaritayang indik parikrama ring Bali sane sampun keni iusan saking kebudayaan sane lianan. Kasusastraan Bali anyar puniki wenten rauh warsa 1910 sane kacihnain antuk karya-karya sane marupa cerpen. Tahun puniki taler makacihna “tonggak lahirnya sastra Bali anyar ( modern ) sane kakawitin antuk karya cerpen I Wayan Djiwa sane majudul “Peroempamaan, Beberapa Tjerita dalam Bahasa Bali ”. Kar I Wayan I Djiwa puniki taler kasarengin olih pengawi-pengawi sane lianan sane ngaryanin boya ja cerpen kemanten, nanging wenten taler karya-karya sane mawangun novel miwah drama. Kasusastraan Bali anyar puniki nglimbak tur kalastariang kantos mangkin.

 Kesusastraan Bali anyar puniki kapalih dados : 1. Gancaran ( prosa ) Cerpen, conto : Gamia Gamana, Kulkul Bulus, msl. Novel, conto : Gita Ning Nusa Alit, Sembalun Rinjani, msl. Drama, conto : Gusti Ayu Klatir, Masan Cengkehen Nedeng Mabunga. 2. Tembang ( puisi ) Soroh tembang ring kasusastraan Bali anyar puniki nenten kaiket antuk guru laghu, padalingsa, miwah sane lianan sakadi sane ngiket tembang ring kasusastraan Bali purwa. Conto : Idup lan Mati, Sasih Karo ring Bali, Margarana, msl.