Analisis Kritik Sastra Satwa I Tuma teken I Titih

(Analisis Kritik Sastra )

Ngerereh kaugulan lan Kakirangan Daging Satua Satua I Tuma teken I Titih

Parilaksana Loba Tan Patut Tinut

Buana Sastra Adi

RAHAJENG NGEWACEN

I

            Kacarita ada Tuma nongos di lepitan tilam anake Agung. Ditu ia kapepekan amah, maan ngisep rah Anake Agung kanti mokoh. Nanging I Titih nongos di dinding pamereman Anake Agung. Dening iri ngiwasin I Tuma mokoh, lantas ia keme ngalih I Tuma. Satekedne ditu, I Titih matedoh ngomong ”Inggih Jro Gede, angob pisan titiang, ngantenang jerone ebuh, sinah jerone ledang, titiang sareng iriki, mangda titiang dados sisian jerone. Titiang pacang ngiring sapituduh jerone”.

            Masaut I Tuma ”ih Titih, pitui saja buka omong caine, bapa nyak ngajak cai dini. Kewala ingetang pitutur bapane eda pesan cai ngulurin laban keneh caine. Anake loba, tusing buungan lakar nepukin sengkala, lenan teken ento, tusing pesan dadi iri hati, ngranang liu ngelah musuh. Apang cai bisa melajahin kadharman. Keto munyin I Tuma teken I Titih.

            Jani suba ia makakasihan. I Titih lege kenehne dadi sisian I Tuma. Sedek dina anu, Ida anake Agung merem – mereman. Saget I Titih makita ngirep rah Anake Agung. Ngomong I Tuma ”Ih Titih eda iju ngutgut Ida Anake Agung, krana Ida tonden sirep”. I Titih bengkung tusing dadi orahina, lantas ia sahasa ngutgut Anake Agung. Ida anake Agung tengkejut. Lantas metangi. Ditu Ida ngandikang parekane ngalihin Titih.

            Parekane lantas ngalihin, mare kabitange di batan tilame. Tepukina I Titih lua muani, lantas matiange, buin alih – alihine I Tuma di lepitan kasure. Ditu lantas matiange. Pamragat mati I Tuma ajaka I Titih. Keto katuturin anake ane loba, tusing bisa ngeret indria tan urunga lakar nepukin sengkala.

I I, Pembahasan Analisis Kritik Satra "I Tuma Teen Ititih"

           
            Yan kauratiang ngangge kajian kritik sastra, satua ring ajeng marupa kliab ring sajeroning kauripan imanusa "pembayang kehidupan nyata" kelibihan atau kaunggulan satua puniki kekeniin titiang ring unteng satua" Tuma nongos di lepitan tilam anake Agung. Ditu ia kapepekan amah, maan ngisep rah Anake Agung kanti mokoh",,, ring dija iraga uning ituma lan ititih punika sayuakti wenten   yan selehin malih satua ring ajeng  punika pemargin sang pengawi (pengalaman jiwa pengarang/merupakan pernyataan jiwa dunia batin pengarang taler yang kasinahang satua ring ajeng prasidha angge tatuladan ring sajeroning kauripan krana satua punika medaging tetuwek pemargin urip (nilai-nilai moral). yening kacingakin saking strukstur satua punika marupa satua bali anyar ring dija basaan nyane ngangge basa Bali masorsinggih manut kawigunan basa bali punika ring dija ngesor ring dija singgih sayuakti legut sang pengawi nyaritayang satua ring sasuratan punika, nika mawinan sang sane  ngewacen satua punika sida gargitha lan dangan nyungkemin unteng tatuwek satua punika. Manut pidaging satua ring ajeng, ring sor niki titiang sidha taler analisis ngangge pendekatan kritik sastra minekadi:

        "Ring sajeroning satua Tuma teken Titih punika wenten silih sinunggil ajahan sane mautama pinaka rerama sane nuturin pianaknyane mangda nenten ngulurin kaloban, sawireh lakar nepukin sengkala, lianan ring punika, tusing pesan dadi irisia ngranang liu ngelah musuh. Miwah mangda pianaknyane bisa melajahin kadharman. Nanging ring sajeroning satua Tuma teken Titih puniki wenten silih sinunggil parisolah sane nenten becik inggih punika jatma sane kalintang loba tur irisia nepukin anak lianan sane polih genang becikan tur kapepekan amah – amahan. Sekadi Titih sane irisia nepukin Tuma kapepekan amah. Sangkaning lobane tur irisia, miwah tusing bisa ngeret indria, tan urunga nepukin sengkala tur ngemosin mati.

    Yening uratiang unteng daging satua Tuma teken Titih punika untengnyane wantah indik jatma ring jagate sane kalintang loba tur irisia teken anak lianan. Santukan nenten mresidayang ngeret indria, raris jatma sane kaucap sekadi punika pacang nepukin sengkala ring sajeroning ngamargiang kauripan ring jagate. Parilaksana sekadi punika patutne kaicalang ring angga soang-soang sawireh kaucap nenten becik utawi patut. Iraga dados jatma mangdane nenten ngulurin kaloban utawi manah sane nenten becik.

      Parisolah sekadi Titih patutne nenten becik anggen sasuluh rikalaning ngamargiang kauripan. Mangdane iraga maparilaksana sane becik teken anak lianan. Iraga nenten dados iri tur loba teken anak lianan sane polih genah becikan. Lianan ring punika, dados pianak patutne bhakti ring pituduh rerama, nenten dados nuladin pitutur rerama. Mangdane iraga mulat sarira ring angga soang – soang mangda prasida maparisolah sane becik tur maguna ring jagate. Iraga nenten dados ngulurin manah sane nenten becik. Jatma sane maparisolah nenten becik, kalintang loba tur irisia pacang nepukin sengkala ring sajeroning ngamargiang kauripan.

     Jatmane sekadi punika sampun yakti nenten kasenengin olih anak lianan sawireh kaucap jatma loba. Iraga patutne matur suksma indik napi sane sampun kapolihang ring jagate puniki, tur maparilaksana sane becik. Sawireh sangkaning maparisolah sane becik iraga prasida ngamolihang kauripan sane rahayu tur rahajeng."

         Manut satua ring ajeng, kepanggihin titiang taler kekirangan daging satua punika wenten ring makudang kruna-kruna sane keangge punika kadi singsal ring lengkara (belom sepadan dengan kontek) menawi ring kruna "sahasa" ring lengakara ( lantas ia sahasa ngutgut Anake Agung.) sepatutne kruna punika becikan ngangge kruna " digelis/ngenggalang" yan kruna sahasa punika cocok keangge ritatkala ngawwirasayang kawentenan minekadi" sehasa liang kenehe yan disubane kacunduk bajang jegeg".